კოალიცია "ძლიერი საქართველოს" ლიდერი მამუკა ხაზარაძე ამერიკის შეერთებული შტატების,  სენატორ ჯინ შაჰინის განცხადებას გამოეხმაურა, რომლის თანახმადაც  "ქართული ოცნების" საპატიო თავმჯდომარე ბიძინა ივანიშვილი ამერიკის შეერთებული შტატების ორპარტიულ დელეგაციას შეხვედრაზე უარი უთხრა. 

 როგორც ხაზარაძე სოციალურ ქსელში წერს, ბიძინა დაემალა სტრატეგიულ პარტნიორებს, ამერიკის შეერტებული შტატების ორპარტიულ დელეგაციას.

"ბიძინა დაემალა ჩვენს სტრატეგიულ პარტნიორებს, შეერთებული შტატების ორპარტიულ დელეგაციას! მას არაფერი აქვს სათქმელი სახელმწიფოსთვის, რომელიც  ჩვენი ქვეყნის უსაფრთხოების, დემოკრატიისა და ტერიტორიული მთლიანობის ურყევი მხარდამჭერია! ბიძინას და თავისი პარტიის კურსი ნათელია - ეს არის ოკუპანტ რუსეთში ქვეყნის შეთრევა, ევროპასთან კავშირების გაწყვეტა და ქვეყნის იზოლაცია თავისუფალი სამყაროსგან. 

ეს არ არის ქართველი ხალხის ისტორიული არჩევანი! 

ამიტომ, 26 ოქტომბერს სწორედ ხალხი გასცემს მას პასუხს და გაისტუმრებს 12 წლიანი მმართველობიდან!", - წერს ხაზარაძე.

ავტორი: ექსპრესნიუსი,

სოციალური ქსელები

ნინო ნადირაძე ხოშტარიას ვივა-მედში გადაყვანაზე: კიდე კაი, შაბათ-კვირა შემარგეს

პაპუაშვილი: გეოპოლიტიკური თამაშები აღრმავებს უფსკრულს ელიტებსა და ხალხს შორის

მონაკოში მომხდარი აფეთქების შედეგად უკრაინელი ოლიგარქი და მისი ცოლი მძიმედ დაშავდნენ

SJC: ევროპულმა სასამართლომ FARA-სა და გრანტების კანონთან დაკავშირებით საჩივრის არსებითი განხილვა დაიწყო