მე მინდა ვუთხრა ივანიშვილს - ყველა რეკორდი მოხსენი უკვე შენ. გუშინ პუტინმა და ლუკაშენკომ გაუშვეს ბოლო პოლიტპატიმრები, სადამდე უნდა გყავდეთ ციხეში მე და სხვა პოლიტპატიმრები,- ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

როგორც სააკაშვილმა აღნიშნა, მისი პატიმრობის ყოველი დღე "ჯოჯოხეთია". 

"თქვენ შეგიძლიათ, უსასრულოდ მასამართლოთ და მრავალი წელი გავიდეს... 

ხალხი, რომელიც ყვირის - ან ომი, ან მონობა, გვიმზადებს ომსაც და მონობასაც. ეს არის ხალხი, რომელსაც ეროვნული ღირსების განცდა არ აქვს... ასევე, ჩვენ როდესაც ვსაუბრობთ ხალხის ქვეყნიდან გადინებაზე, ჩემს დროს უფრო მეტი ბრუნდებოდა, ვიდრე მიდიოდა. იყო ემოცია, რომ საქართველოს აქვს მომავალი. ახლა პრაქტიკულად ყველა რეკორდი მოხსნა საქართველომ... 

მე, რომელსაც მაქვს ამხელა საერთაშორისო ავტორიტეტი, ამხელა საერთაშორისო კონტაქტები, რომელიც ახლა, როგორც ჰაერი, სჭირდება საქართველოს, მანადგურებენ და მსპობენ, იმიტომ, რომ ყოველი დღე ჩემი პატიმრობის, კლინიკაში იქნება თუ ციხეში, არის ჯოჯოხეთი",- თქვა მიხეილ სააკაშვილმა.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება