ქედის მუნიციპალიტეტს ევროპის ჩემპიონატზე ქვიშის ჭიდაობაში 3 ოქროს მედალოსანი ჰყავს. ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, დღეს მუნიციპალიტეტის მერი როლანდ ბერიძე, პირველი მოადგილე იმედა ვასაძე და საკრებულოს თავმჯდომარე ამირან ცინცაძე წარმატებულ სპორტსმენებს, მწვრთნელებს და ააიპ სასპორტო სკოლის ხელმძღვანელს მანუჩარ ჯიჯავაძეს შეხვდნენ.

“რუმინეთში ქალაქ ტიმიშოარაში, ქვიშის ჭიდაობაში ევროპის ჩემპიონატზე 15, 17 და 20 წლამდელთა ჭიდაობაში საქართველოს ნაკრებმა მონაწილეობა პირველად მიიღო, სადაც ქედის მუნიციპალიტეტიდან ოთხი ფალავანი ასპარეზობდა, მათგან სამმა სპორტსმენმა სამი ოქროს მედალი მოიპოვა.

ლუკა მახარაძე (65კგ) U15

ზებურ აბაშიძე (75კგ) U15

კობა გოგუაძე (70კგ) U17

ქედის მუნიციპალიტეტის მერია ულოცავს საქართველოს ნაკრების მთავარ მწვრთნელს, ჯემალ კილაძეს და სპორტსმენებს ღირსეულ ასპარეზობას და წარმატებებს უსურვებს.

გამარჯვებულ ფალავნებს და მწვრთნელებს ქედის მუნიციპალიტეტის მერია ფულად ჯილდოს გადასცემს“,- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა