"ვურჩევდი ხელისუფლების წარმომადგენლებს და პირადად  პარლამენტის თავმჯდომარეს, რომ გადასაბრალებლად სხვისკენ თითის გაშვერას  თავი დავანებოთ",-ამის შესახებ "ახალი მემარჯვენეების" ლიდერმა მამუკა კაციტაძემ პარლამენტის თავმჯდომარის დავით უსუფაშვილის გუშინდელ განცხადებასთან დაკავშირებით აღნიშნა, რომელიც მმართველი გუნდის მიერ  შმუშავებულ საკონსტიტუციო  ცვლილებებისთვის ოპოზიციის მხარდაჭერას მხრიდან  ეხებოდა.

"საპარლამენტო ოპოზიციის წარმომადგენლებს არაფერს ვურჩევდი, მათ თვითონ იციან, რა უნდა  გააკეთონ. მე ვურჩევდი ხელისუფლების წარმომადგენლებს და პირადად  პარლამენტის თავმჯდომარეს, რომ გადასაბრალებლად სხვისკენ თითის გაშვერას  თავი დავანებოთ. მათ აქვთ შასნი, რომ 2016 წლისთვის, საპარლამენტო ოპოზიციის დახმარებით და  მათი ხმების გათვალისწინებით, მოახდინონ საკონსტიტუციო ცვლილება. თუ არა, მაშინ ეს ყველაფერი მათ კისერზე იქნება. მათ დაეწერებათ და დაეწერება იმ მკვდრადშობილ საკონსტიტუციო კომისიას, რომელიც ორ წელიწად ნახევარია, შექმნილია, თითი თითზე არ დაუდია, რომლის თავმჯდომარეც არის ბატონი უსუფაშვილი, დასკვნები გააკეთოს თვითონ და ჩვენმა მოსახლეობამ",-განაცხადა მამუკა კაციტაძემ.

ცნობისთვის,  დავით უსუფაშვილმა გუშინ ოპოზიციას მოუწოდა,  "სანამ სულ გვიან არ არის"  2016 წლის არჩევნების შემდეგ პროპორციულ სისტემაზე გადასვლის თაობაზე  მმართველი გუნდის საკონსტიტუციო ცვლილებებს მხარი დაუჭიროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი