ზუგდიდის მუნიციპალიტეტის გამგეობის სოციალურმა კომისიამ, დღეს პირველი სხდომა გამართა და 26 ბენეფიციარის საყოფაცხოვრებო პირობების გაუმჯობესების თხოვნით განცხადებები განიხილა. სხდომას მუნიციპალიტეტის გამგებლის მოადგილე გიზო სართანია უძღვებოდა. 

26 მოქალაქემ მუნიციპალიტეტის გამგეობას საყოფაცხოვრებო პირობების გაუმჯობესების თხოვნით განცხადებით მიმართა. 9 ბენეფიციარის მოთხოვნა 500 ლარიანი დახმარების მიღებაზე დაკმაყოფილდა. 

დანარჩენი განცხადებები ადგილობრივი და ცენტრალური ხელისუფლების სხვადასხვა პროექტებით დაკმაყოფილდება.

“ჩვენ დიდი შრომა გავწიეთ და თითოეული ბენეფიციარის მდგომარეობა ადგილზე გადავამოწმეთ, არ დაგვიტოვებია არცერთი ოჯახი, რომელიც ჩვენგან, გამგეობისგან დახმარებას საჭიროებდა. მუნიციპალიტეტის გამგეობა ყოველთვის მზადაა დაეხმაროს სოციალურად მძიმე მდგომარეობაში მყოფ ოჯახებს და გააუმჯობესოს მათი ეკონომიკური მდგომარეობა“ - განაცხადა გიზო სართანიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა