2024-06-16 14:46:49, 496 ნახვა
პოლიტიკა
სანდუ - ვდგავართ საქართველოს გვერდით, რადგან ისინი ნათელი, დემოკრატიული მომავლისკენ ისწრაფვიან
მოლდოვის პრეზიდენტი მაია სანდუ საქართველოს პრეზიდენტთან, სალომე ზურაბიშვილთან შვეიცარიაში, უკრაინის მშვიდობის სამიტის ფარგლებში გამართულ შეხვედრას სოციალურ ქსელში ეხმაურება.
როგორც სანდუ X-ზე წერს, ზურაბიშვილთან შეხვედრა, მოლდოვის მიერ, ქართველი ხალხის ევროკავშირის მისწრაფებებისადმი მხარდაჭერის დადასტურებაა.
"ბურგენშტოკში შევხვდი საქართველოს პრეზიდენტს, რათა დამედასტურებინა ჩვენი მხარდაჭერა ქართველი ხალხის დემოკრატიისა და ევროკავშირის მისწრაფებებისადმი. ვდგავართ საქართველოს გვერდით, რადგან ისინი ისწრაფვიან ნათელი, დემოკრატიული მომავლისკენ", - წერს სანდუ.
ავტორი: ექსპრესნიუსი,
epn.ge (@expressnews.ge)
