2024-06-02 18:57:06, 706 ნახვა

---

ვოლოდიმირ ზელენსკი - შეერთებულმა შტატებმა უნდა მოგვცეს ნება, რუსეთში სამხედრო ბაზებს ATACMS-ის რაკეტებით დავარტყათ

უკრაინის პრეზიდენტი ვოლოდიმირ ზელენსკი აცხადებს, რომ ამერიკის შეერთებულმა შტატებმა უკრაინას უნდა მისცეს უფლება, რუსეთში მდებარე სამხედრო ბაზებზე იერიშის განსახორციელებლად  შორ რადიუსიანი ATACMS-ის რაკეტები გამოიყენოს.

ზელენსკიმ სინგაპურში მიმდინარე "შანგრი-ლას დიალოგის" უსაფრთხოების კონფერენციაზე სიტყვით გამოსვლისას აშშ-ის პრეზიდენტ ჯო ბაიდენს მადლობა გადაუხადა იმისთვის, რომ მან დართო უკრაინელებს ნება, გამოეყენებინათ ამერიკული იარაღი რუსეთის ტერიტორიაზე, თუმცა დასძინა, რომ აღნიშნული ნებართვა შორ მანძილზე მოქმედ აღჭურვილობასაც უნდა შეეხოს.

"ეს [ნებართვა] საკმარისია? - არა. რატომ? იმიტომ, რომ მე მოგიყვანეთ აეროდრომების მაგალითი, რომლიდანაც რუსეთი მუდმივად ისვრის მშვიდად, რადგან იცის, რომ უკრაინა ვერ უპასუხებს, რადგან განა მას არ აქვს შესაბამისი სისტემები, არა, არამედ ნებართვები", - განაცხადა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი