პარტია „ახალის“ ერთ-ერთი ლიდერი ნიკა მელია „ნაციონალური მოძრაობის“ ოფისზე გუშინ განხორციელებულ თავდასხმას ეხმაურება.

როგორც მელია აღნიშნავს, მისი მხრიდან პარტიის მეპატრონეებზე შეხედულების მიუხედავად, „ვანდალიზმი“ დასაგმობია.

„ის, რაც გუშინ, „ნაციონალური მოძრაობის“ ოფისში მოხდა, რა ძალადობაც დაატრიალა ხელისუფლებამ,  არის ერთმნიშვნელოვნად დასაგმობი.

დასაგმობია იმისდა მიუხედავად, რა უმძიმესი აზრის ვარ ამ პარტიის მეპატრონეებზე, მაგრამ ეს არ ნიშნავს იმას, თვალი დავხუჭო, წავუყრუო ამ ვანდალიზმს.

გასაგებია, რა ამოძრავებს  მსოფლიოს მიერ კუთხეში მიმწყვდეულ რეჟიმს. 

ჩამოშლის საფრთხის წინაშე დგას - რყევაა მათ ქვედა ეშელონებში და ამ ძალადობრივი აქტებით ცდილობს პირველ რიგში ძალა აჩვენოს მათ.

ასეთი ძალადობები ადრენალინია მათთვის. ამის მეტი მათ არაფერი დარჩათ.

მათ დაწვეს ყველა ხიდი, უკან დასახევი გზა არ დაიტოვეს და დასაკარგიც აღარაფერი აქვთ.

მათგან განსხვავებით, ჩვენ გვაქვს დასაკარგი - ეს ქვეყანა, რომელსაც არ დავკარგავთ, რა მეთოდებსაც არ უნდა მიმართოს რეჟიმმა”, - წერს მელია სოციალურ ქსელში.

შეგახსენებთ, გუშინ ღამით "ნაციონალური მოძრაობის" ოფისს თავს დაესხნენ. 

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის