2024-05-11 13:38:04, 388 ნახვა
სამართალი
სამხედრო ექსპერტის, უჩა აბაშიძის ცოლი, მარიამ იაშვილი დააკავეს
დაკავებული ბლოგერის და სამხედრო ექსპერტის უჩა აბაშიძის ცოლი, მარიამ იაშვილი დააკავეს. ამის შესახებ ინფორმაციას, ადვოკატი შოთა თუთბერიძე ავრცელებს.
მარიამ იაშვილი ცენტრალური კრიმინალური პოლიციის დეპარტამენტშია გადაყვანილი. ჯერჯერობით უცნობია, რას ედავება მას გამოძიება. ადვოკატები მასთან უჩა აბაშიძისთვის ბრალის წარდგენის შემდეგ მივლენ.
მარიამ იაშვილის დაკავებას არ დაესწრნენ ადვოკატები. ისინი უჩა აბაშიძესთან იმყოფებიან, რომელსაც რამდენიმე წუთში ბრალი უნდა წარუდგინონ.
ბლოგერი უჩა აბაშიძე 10 მაისს დააკავეს. მის სახლში პოლიცია შევიდა და ჩხრეკა ჩაატარა. უჩა აბაშიძეს იარაღისა და საბრძოლო მასალის მართლსაწინააღმდეგო უკანონო შეძენა-შენახვას ედავებიან.
ავტორი: ექსპრესნიუსი,
epn.ge (@expressnews.ge)
