სომხეთი მთიანი ყარაბაღისთვის ომს არ აპირებს,- ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

ფაშინიანის თქმით, სომხეთის რესპუბლიკას საერთაშორისოდ აღიარებული საზღვრებს მიღმა პრეტენზია არ აქვს.

„ვფიქრობ, რომ დელიმიტაციის პროცესში მიღებული გადაწყვეტილებებით, ჩვენ გამოვავლინეთ ჩვენი გულწრფელობა, რადგანაც გავაკეთეთ შემდეგი: აღვნიშნეთ, რომ სომხეთის რესპუბლიკის მთავრობა მზად არის, თავისი უფლებამოსილების ფარგლებში, გადადგას ნაბიჯები, რომ აზერბაიჯანულ სოფლებში, კერძოდ, 4 სოფელში, სადაც ახლა ხალხი არ ცხოვრობს, მათი ცხოვრება გახდეს შესაძლებელი. ასევე ვაცხადებთ, რომ იმავე პროცესის შედეგად, სომხურ სოფლებში – ბაგანისში, ვოსკეპარში, კირანცში, ბერქაბერში, თანაბრად შესაძლებელი უნდა იყოს სტრესის გარეშე ცხოვრება, რათა ამ ადამიანებმა იცხოვრონ საკუთარ სახლებში შიშის გარეშე“, – განაცხადა პრემიერ-მინისტრმა.

გარდა ამისა, ფაშინიანმა აღნიშნა, რომ „ეს სწორედ ის წერტილია, რომლის ირგვლივ სომხეთისა და აზერბაიჯანის მთავრობებს უნდა შეეძლოთ სამშვიდობო თეორიული დღის წესრიგი კონკრეტულ მშვიდობიან რეალობად აქციონ“.

ავტორი: ექსპრესნიუსი,

სოციალური ქსელები

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა

რეჟიმის პარლამენტში ფასების კომისიის ბოლო სხდომა გაიმართა, დასკვნა ხვალ გამოქვეყნდება