2024-04-09 11:37:14, 460 ნახვა
პოლიტიკა
საელჩო - საფრანგეთი დგას ქართველების გვერდით, მათი დემოკრატიული და ევროპული მისწრაფებების განსახორციელებლად
საფრანგეთის საელჩო 9 აპრილის ტრაგედიიდან 35-წლისთავს ეხმაურება.
საელჩო აღნიშნულთან დაკავშირებით სოციალურ ქსელში განცხადებას ავრცელებს.
"საფრანგეთი საქართველოსა და ქართველების გვერდით დგას დღევანდელ, ეროვნული ერთიანობის დღეს, რომლითაც აღინიშნება 1918 წელს გამოცხადებული დამოუკიდებლობის აღდგენა და 1989 წელს ანტისაბჭოთა დემონსტრანტების ტრაგიკული და სისხლიანი რეპრესია. საფრანგეთი მხარს უჭერს საქართველოს სუვერენიტეტსა და მთლიანობას. ის დგას ქართველების გვერდით, მათი დემოკრატიული და ევროპული მისწრაფებების განსახორციელებლად",- ნათქვამია საელჩოს განცხადებაში.
შეგახსენებთ, 1989 წლის 9 აპრილის ტრაგედიიდან 35 წელი გავიდა.
ავტორი: ექსპრესნიუსი,
epn.ge (@expressnews.ge)
