ნუ დავთმობთ საქართველოს, ნუ დავუთმობთ „ქართულ ოცნებას". „ქართული ოცნების" სიტყვას აქვს ჩალის ფასი. იგი ასე იქცევა იმიტომ, რომ ის არის რუსული რეჟიმი და რუსეთი ყველგან და ყოველთვის იქცევა ასე,- ასე ეხმაურება პარტია „ახალის“ ერთ-ერთი ლიდერი ნიკა გვარამია გადაწყვეტილებას, რომლის მიხედვითაც, საპარლამენტო უმრავლესობა „უცხოური გავლენის გამჭვირვალობის შესახებ“ კანონპროექტს პარლამენტში ხელახლა წარადგენს.

როგორც გვარამიამ ცოტა ხნის წინ გამართულ საგანგებო ბრიფინგზე განაცხადა, აზრი იმის შესახებ, რომ „უცხოური გავლენის გამჭვირვალობის შესახებ" კანონპროექტი დაჩქარებული წესით არ მიიღება, „ხაფანგია“.

„კანონი არ მიიღება დაჩქარებული წესით მხოლოდ იმის გამო, რომ ივნისში იგეგმება მისი მიღება ევროპის ჩემპიონატის განმავლობაში, რომ არ იყოს პროტესტი და ხალხს არ ეცალოს პროტესტის გამოსახატავად“,- განაცხადა პარტია „ახალის“ ერთ-ერთმა ლიდერმა.

გვარამიას თქმით, „ქართული ოცნება“ საფრთხეს უქმნის სახელმწიფოებრიობას და  „ბრძოლა უნდა მივიყვანოთ ბოლომდე".

ცნობისთვის, დღეს, 3 აპრილს „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ საპარლამენტო უმრავლესობა „უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენს.

ავტორი: ექსპრესნიუსი,

სოციალური ქსელები

ევროპული საბჭოს ხელმძღვანელმა განაცხადა, რომ ევროკავშირი პუტინთან მოლაპარაკებებისთვის ემზადება

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა