სანამ გამოძიების და მოკვლევის პროცესი მიმდინარეობს თავს შევიკავებ ჩემი მოსაზრების გამოთქმისგან, თუმცა, ალბათ ლოგიკური იყო ეს ნაბიჯი გამომდინარე იმ განხილვებიდან, რომელიც პარლამენტში განხორციელდა საავტორო უფლებების კანონთან დაკავშირებით, - განაცხადა საპარლამენტო უმრავლესობის წევრმა ნინო წილოსანმა, საავტორო უფლებათა ასოციაციის თავმჯდომარის მიერ ავტორ-შემსრულებელთა კუთვნილი, დიდი ოდენობით თანხების შესაძლო მითვისების საქმეზე დაწყებულ გამოძიებასთან დაკავშირებით. 

როგორც ნინო წილოსანმა აღნიშნა, პარლამენტში, საკომიტეტო მოსმენების დროს არაერთ გადაცდომაზე და დარღვევაზე იყო საუბარი  ამიტომ, ლოგიკურია, რომ შესაბამისი სტრუქტურები დაინტერესდნენ ამ ყველაფრით.

„ამ განხილვებზე არაერთ სერიოზულ დანაშაულზე, გადაცდომაზე და დარღვევაზე იყო საუბარი  ამიტომ, ლოგიკურია ის, რომ შესაბამისი სტრუქტურები დაინტერესდნენ ამ ყველაფრით, თუმცა ამაზე მეტი ინფორმაცია მე არ მაქვს. მე, როგორც ერთ დეპუტატს, ლოგიკური კითხვა და სურვილი მიჩნდება, რომ სათანადოდ იყოს გამოკვლეული ყველა ის ფაქტი, რომელზეც პარლამენტში იყო საუბარი საკომიტეტო განხილვებზე, თავად ავტორების მხრიდან მოწოდებული ინფორმაციის საფუძველზე“, - განაცხადა ნინო წილოსანმა. 

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა