რუსმა ოკუპანტებმა უკრაინაზე მასიური სარაკეტო იერიში მიიტანეს. აღნიშნულის შესახებ ინფორმაციას უკრაინის შინაგან საქმეთა მინისტრი იგორ კლიმენკო ავრცელებს.

კლიმენკოს თქმით, ოკუპანტებმა ცეცხლი კიევის რამდენიმე ოლქს გაუხსნეს, თავდასხმების შედეგად კი დაიღუპა, სულ მცირე, 15 ადამიანი, ხოლო 75 დაშავდა. გარდა ამისა, დაზიანდა ინფრასტრუქტურა, მანქანები და საწყობები.

მისივე თქმით, თავდასხმა იყო ასევე ლვოვში, სადაც საცხოვრებელი სახლი დაზიანდა, ერთი ადამიანი დაიღუპა, 9 კი დაშავდა.

გარდა ამისა, ოკუპანტებმა იერიში დნიპროში, სავაჭრო ცენტრზეც მიიტანეს, სადაც დაიღუპა 5, ხოლო დაშავდა 15 ადამიანი.

ოდესაში განხორციელებული იერიშის შედეგად დაზიანდა საცხოვრებელი სახლები, რომელთა ნანგრევების ქვეშაც, ვარაუდობენ, რომ ხალხია მოყოლილი. ოდესაში კიდევ 2 შენობა დაზიანდა.

საგანგებო სიტუაციების მართვის სამსახურმა 17-სართულიანი საცხოვრებელი კორპუსიდან 23 ადამიანი გამოიყვანა. სულ დაიღუპა 2 და დაშავდა 15 ადამიანი. გარდა ამისა, თავდასხმა განხორციელდა ზაპოროჟიეს ინფრასტრუქტურულ ობიექტებზეც, სადაც დაიღუპა ერთი და დაშავდა 10 ადამიანი.

ავტორი: ექსპრესნიუსი,

სოციალური ქსელები

საია: მარეგულირებელი აქტის გარეშე ჭავლში ქიმიური ნივთიერების შერევა ექსპერიმენტული იარაღია

მასწავლებლის ეროვნული ჯილდოს კონკურსზე 1200-ზე მეტი მასწავლებელი წარადგინეს - პროექტის მთავარი მხარდამჭერია საქართველოს ბანკი

ზელენსკი: ევროკავშირის 3 ქვეყანა რაკეტსაწინააღმდეგო თავდაცვის გაძლიერებას შეუწყობს ხელს

კობახიძე: ჩინეთთან ყოველისმომცველი სტრატეგიული პარტნიორობის ეტაპზე გადავდივართ