2023-12-20 22:51:30, 1005 ნახვა
მსოფლიო
ნეთანიაჰუ - ბრძოლას „ჰამასის“ განადგურებამდე არ შევაჩერებთ
ისრაელი გამორიცხავს ღაზას სექტორში ცეცხლის დაუყოვნებლივ შეწყვეტას „ჰამასის“ ლიკვიდაციამდე. ამის შესახებ ისრაელის პრემიერ-მინისტრის, ბენიამინ ნეთანიაჰუს განცხადებაშია ნათქვამი.
ნეთანიაჰუს თქმით, "ჰამასის" ტერორისტებს ორი არჩევანი აქვთ : სიკვდილი ან დანებება და აღნიშნავს, რომ ვინც ფიქრობს, რომ ომი ისრაელის მიზნების მიღწევამდე დასრულდება, რეალობას არის მოწყვეტილი.
„ჩვენ არ შევაჩერებთ ბრძოლას იქამდე, ვიდრე ყველა დასახულ მიზანს არ მივაღწევთ. ეს არის „ჰამასის“ განადგურება, მძევლების გათავისუფლება და ღაზიდან საფრთხის დასრულება“, - ნათქვამია ისრაელის პრემიერ-მინისტრის განცხადებაში.
ავტორი: ექსპრესნიუსი,
epn.ge (@expressnews.ge)
