2023-12-08 16:04:30, 729 ნახვა
მსოფლიო
ვლადიმერ პუტინი 2024 წლის საპრეზიდენტო არჩევნებში მიიღებს მონაწილეობას
რუსეთის პრეზიდენტი ვლადიმერ პუტინი 2024 წლის საპრეზიდენტო არჩევნებში მიიღებს მონაწილეობას. აღნიშნულის შესახებ ინფორმაციას რუსული პროპაგანდისტული მედია TASS-ი ავრცელებს.
TASS-ის ცნობით, შესაბამისი თხოვნით რუსეთის პრეზიდენტს თვითაღიარებული დონეცკის რესპუბლიკის ე.წ. პარლამენტის სპიკერმა, არტემ ჟოგამ მიმართა.
"მოხარულნი ვართ, რომ პრეზიდენტმა შეისმინა ჩვენი თხოვნა კანდიდატურის დაყენებასთან დაკავშირებით, მთელი რუსეთი უჭერს მას მხარს", - განაცხადა ჟოგამ.
მედიის ცნობითვე, ვლადიმერ პუტინის ამჟამინდელი უფლებამოსილებები 2024 წლის 7 მაისს სრულდება.
ცნობისთვის, რუსეთში საპრეზიდენტო არჩევნები 2024 წლის 17 მარტს გაიმართება.
ავტორი: ექსპრესნიუსი,
epn.ge (@expressnews.ge)
