2023-12-07 23:05:17, 778 ნახვა
მსოფლიო
ირანის პრეზიდენტი - გენოციდი, რაც პალესტინასა და ღაზაში ხდება, კაცობრიობის წინააღმდეგ დანაშაულია
გენოციდი, რაც პალესტინასა და ღაზაში ხდება, კაცობრიობის წინააღმდეგ დანაშაულია, - ამის შესახებ ირანის პრეზიდენტმა იბრაჰიმ რაისიმ მოსკოვში ვლადიმერ პუტინთან მოლაპარაკებების დაწყებისას განაცხადა.
იბრაჰიმ რაისის თქმით, ძალიან მნიშვნელოვანია ახლო აღმოსავლეთში, განსაკუთრებით პალესტინის ტერიტორიებზე არსებული ვითარების განხილვა.
„პალესტინასა და ღაზაში რაც ხდება, რა თქმა უნდა, არის გენოციდი და კაცობრიობის წინააღმდეგ დანაშაული“, - აღნიშნა იბრაჰიმ რაისიმ.
ცნობისთვის, ირანის პრეზიდენტი იბრაჰიმ რაისი ოფიციალური ვიზიტით მოსკოვში დღეს ჩავიდა.
ავტორი: ექსპრესნიუსი,
epn.ge (@expressnews.ge)
