ჩემს პოზიციას ვიცავ. რაც არ უნდა თქვან, მე „ჰამასს“ ტერორისტულ დაჯგუფებად არ მივიჩნევ, - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

როგორც The Times Of Israel-ი წერს, ერდოღანი სისხლის სამართლის საერთაშორისო სასამართლოს (ICC) ისრაელის ოფიციალური პირების დასჯისკენ მოუწოდებს და   ისრაელის პრემიერ-მინისტრს, ბენიამინ ნეთანიაჰუს გამოყოფს.

ველოდები, რომ სისხლის სამართლის საერთაშორისო სასამართლო „ღაზის ჯალათების“, განსაკუთრებით ისრაელის პრემიერ-მინისტრ ბენიამინ ნეთანიაჰუს პასუხისმგებლობას უზრუნველყოფს", - განაცხადა ერდოღანმა.

მისი თქმით, „ჰამასის“ გამორიცხვა და განადგურება გამოსავალი არ არის.

„ჩემს პოზიციას ვიცავ. რაც არ უნდა თქვან, მე „ჰამასს“ ტერორისტულ დაჯგუფებად არ მივიჩნევ. „ჰამასის“ გამორიცხვა და განადგურება არ არის გამოსავალი", - აღნიშნა ერდოღანმა.

მისივე თქმით, ღაზაში ნეთანიაჰუს ადმინისტრაციის ხოცვა-ჟლეტა ისტორიაში შავი ლაქის სახით არის აღბეჭდილი.

„ეს არის სახელმწიფო ტერორიზმი. ჩვენ არ შეგვიძლია გავჩუმდეთ ამ სახელმწიფო ტერორიზმის წინააღმდეგ. მსოფლიო არასოდეს დაივიწყებს ამ სახელმწიფოებისა და საერთაშორისო ორგანიზაციების მიერ გამოვლენილ გულგრილობას. ისრაელის ოფიციალური პირები, რომლებიც გენოციდის მსხვერპლად იყვნენ ცნობილი, ახლა გადაიქცნენ თავიანთი წინაპრების მკვლელებად“, - დასძინა ერდოღანმა.

ავტორი: ექსპრესნიუსი,

სოციალური ქსელები

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას

თეთრი სახლის მახლობლად სროლა მოხდა: აშშ-ის საიდუმლო სამსახურმა მსროლელი დაჭრა