2023-11-29 09:46:51, 629 ნახვა
მსოფლიო
BBC - ისრაელმა 30 პალესტინელი პატიმარი გაათავისუფლა
ისრაელის პენიტენციური სამსახური, (IPS) ზავის პირობების გათვალისწინებით, 30 პალესტინელი პატიმრის გათავისუფლებას ადასტურებს. აღნიშნულის შესახებ ინფორმაციას BBC ავრცელებს.
BBC-ის ცნობით, პატიმრები ოფერის ციხიდან და იერუსალიმის დაკავების ცენტრიდან გაათავისუფლეს.
მედიის ცნობითვე, გათავისუფლებულ პატიმრებს შორის მამაკაცები და ქალები არიან.
ცნობისთვის, მას შემდეგ, რაც 24 ნოემბერს ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლების გათავისუფლების რამდენიმე რაუნდი შედგა, რის სანაცვლოდაც ისრაელმა პალესტინელი პატიმრები გაათავისუფლა.
ავტორი: ექსპრესნიუსი,
epn.ge (@expressnews.ge)
