2023-11-24 09:38:05, 627 ნახვა
მსოფლიო
IDF - ლიკვიდირებულია „ჰამასის“ საზღვაო ძალების მეთაური
ისრაელის თავდაცვის ძალების (IDF) ცნობით, ღაზას სექტორზე მიტანილი ავიაიერიშის შედეგად, ხან-იუნისში ლიკვიდირებულია "ჰამასის" საზღვაო ძალების მეთაური ამარ აბუ ჯალალა.
როგორც The Times of Israel-ი ქვეყნის თავდაცვის ძალებზე დაყრდნობით იტყობინება, ამარ აბუ ჯალალა ტერორისტული დაჯგუფების საზღვაო ძალების კიდევ ერთ წევრთან ერთად მოკლეს.
IDF ამბობს, რომ ჯალალა"ჰამასის" საზღვაო ძალების უფროსი ოპერატორი იყო და რამდენიმე ტერორისტულ საზღვაო თავდასხმას ხელმძღვანელობდა.
ისრაელმა საჰაერო თავდასხმა უსაფრთხოების სააგენტოს Shin Bet-ის, სამხედრო დაზვერვის დირექტორატისა და საზღვაო ძალების მიერ მიწოდებული სადაზვერვო ინფორმაციის საფუძველზე განახორციელა.
ავტორი: ექსპრესნიუსი,
epn.ge (@expressnews.ge)
