ჩინეთის საგარეო საქმეთა სამინისტრო ეხმაურება ამერიკის შეერთებული შტატების პრეზიდენტ ჯო ბაიდენს, რომელმაც სახალხო რესპუბლიკის ლიდერს, სი ძინპინს დიქტატორი უწოდა.

საგარეო უწყების პრესსპიკერმა, მაო ნინმა ბაიდენის განცხადებას "უკიდურესად არასწორი" და "უპასუხისმგებლო პოლიტიკური მანიპულაცია" უწოდა.

"ამგვარი განცხადება უკიდურესად არასწორია და უპასუხისმგებლო პოლიტიკურ მანიპულაციას წარმოადგენს. ჩინეთი მტკიცედ ეწინააღმდეგება ამას. მუდამ არსებობენ ისეთი არაკეთილსინდისიერი ადამიანები, რომლებიც ჩინეთისა და აშშ-ის ურთიერთობების დაშლას ცდილობენ - ეს არ იქნება წარმატებული",- განაცხადა ჩინეთის საგარეო საქმეთა სამინისტროს პრესსპიკერმა.

ცნობისთვის, ამერიკის შეერთებული შტატების პრეზიდენტმა, ჯო ბაიდენმა ჩინეთის პრეზიდენტ სი ძინპინს, შეხვედრიდან რამდენიმე საათის შემდეგ, დიქტატორი უწოდა. სი ძინპინი აშშ-ში, ბოლო 6 წლის განმავლობაში პირველი ვიზიტით იმყოფება. პრეზიდენტ ჯო ბაიდენისა და სი ძინპინის შეხვედრა შეერთებული შტატების ოფიციალური პირების მიერ უკვე დასახელებულია შესაძლებლობად, რომ შემცირდეს უთანხმოება აშშ-ჩინეთს შორის, რომელიც მსოფლიოში ყველაზე საშიშ მეტოქეობად მიიჩნევა.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო