2023-11-02 23:21:03, 1333 ნახვა
ომი უკრაინაში
უკრაინამ კომპანია Nestle „ომის სპონსორად“ გამოაცხადა
უკრაინის კორუფციის აღკვეთის ეროვნულმა სააგენტომ შვეიცარიული კომპანია Nestlé ომის სპონსორების სიაში შეიყვანა.
როგორც სააგენტოს ანგარიშშია აღნიშნული, 2023 წელს კომპანიამ რუსეთის ტერიტორიაზე 271 მილიონი დოლარის ნახევარფაბრიკატი და ნედლეული შეიტანა.
"ეს კიდევ ერთხელ ამტკიცებს, რომ Nestlé-მ ისტორიისგან ვერაფერი ისწავლა. ჯერ კიდევ მეორე მსოფლიო ომის დროს კომპანია ერთდროულად გერმანიასა და ანტიჰიტლერული კოალიციის ქვეყნებს ამარაგებდა. რუსეთში დარჩენით კომპანია კიდევ ერთხელ ეუბნება მთელ სამყაროს, რომ აგრესორთან თანამშრომლობა ნორმალურია", - ნათქვამია სააგენტოს განცხადებაში.
ავტორი: ექსპრესნიუსი,
epn.ge (@expressnews.ge)
