2023-11-02 17:53:15, 736 ნახვა
მსოფლიო
BBC - ღაზას სექტორში დაღუპულთა რაოდენობამ 9 000-ს გადააჭარბა
7 ოქტომბრის შემდეგ, ღაზას სექტორში ისრაელის მიერ განხორციელებულ დარტყმებს 9 061 ადამიანი ემსხვერპლა. ამის შესახებ ინფორმაციას BBC პალესტინის ჯანდაცვის სამინისტროზე დაყრდნობით ავრცელებს.
როგორც მედიასაშუალება წერს, მსხვერპლთა შორის 3 760 ბავშვია.
საომარი მოქმედებების შედეგად დაშავებულთა რაოდენობა კი, 32 000-ს აღწევს.
ცნობისთვის, სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე დაიწყო. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო.
ავტორი: ექსპრესნიუსი,
epn.ge (@expressnews.ge)
