2023-10-31 13:24:39, 779 ნახვა

---

ტურიზმის ეროვნული ადმინისტრაცია - 9 თვეში საერთაშორისო ტურიზმიდან შემოსავალმა 3,3 მილიარდი დოლარი შეადგინა

ტურიზმის ეროვნული ადმინისტრაციის ცნობით, 2023 წლის I-III კვარტალში მოგზაურობიდან (ტურიზმიდან) მიღებულმა შემოსავალმა გადააჭარბა 2019 წლის მაჩვენებელს და რეკორდული მაჩვენებელი დაფიქსირდა - 3 251 651 900 აშშ დოლარი, რაც 2019 წლის ანალოგიურ პერიოდს +25.9%-ით აღემატება (+668 812 328 აშშ დოლარი).

ადმინისტრაციის ინფორმაციით, 2022 წელთან შედარებით მოგზაურობიდან შემოსავლები გაზრდილია +734 468 385 (+29.2%) აშშ დოლარით.

"2023 წლის III კვარტალში მოგზაურობიდან მიღებულმა შემოსავალმა გადააჭარბა 2019 წლის მაჩვენებელს და 1 447 121 966 აშშ დოლარი შეადგინა, რაც 2019 წლის ანალოგიურ მაჩვენებელთან შედარებით +28.4%-იანი ზრდაა, 2022 წლის მესამე კვარტალთან შედარებით კი მოგზაურობიდან შემოსავლები გაზრდილია +72 468 664 (+5.3%) აშშ დოლარით",- ნათქვამია ტურიზმის ეროვნული ადმინისტრაციის ინფორმაციაში. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი