მექსიკაში, კურორტ აკაპულკოში ქარიშხალ "ოტისს", სულ მცირე, 27 ადამიანი ემსხვერპლა. ამის შესახებ ინფორმაციას Reuters-ი მექსიკის მთავრობაზე დაყრდნობით ავრცელებს.

მთავრობის ცნობით, 4 ადამიანი ამ დრომდე უგზო-უკვლოდ დაკარგულად მიიჩნევა.

როგორც Reuters-ი წერს, "ოტისმა" რომელსაც მეხუთე კატეგორიის შტორმის კატეგორია მიენიჭა, აკაპულკოში, სადაც დაახლოებით, 900 000 ადამიანი ცხოვრობს, ქუჩების დატბორვა, საცხოვრებელი სახლებისა და სასტუმროების ნგრევა, მანქანების ჩაძირვა და საგზაო და საჰაერო კომუნიკაციების დაზიანება გამოიწვია. დაიტბორა საავადმყოფოებიც, საიდანაც ასობით პაციენტის სასწრაფო ევაკუაცია გახდა საჭირო.

„ის, რაც აკაპულკომ განიცადა, მართლაც დამღუპველი იყო“,- თქვა პრეზიდენტმა, ანდრეს მანუელ ლოპეს ობრადორმა მეხიკოში გამართულ პრესკონფერენციაზე.

მთავრობამ რეგიონში საგანგებო მდგომარეობა გამოაცხადა.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება