2023-10-20 12:22:22, 626 ნახვა

---

კვიჟინაძე - სტიქიებით დაზარალებული, გაჭირვებული ხალხი ელოდება, რომ მიიღოს თანხა და ამას ვერ ვაკეთებთ, რადგან ზურაბიშვილი გაზრდილ ბიუჯეტს ხელს არ აწერს

სტიქიებით დაზარალებული, გაჭირვებული ხალხი ელოდება, რომ მიიღოს თანხა და ამას ვერ ვაკეთებთ, რადგან ზურაბიშვილი გაზრდილ ბიუჯეტს ხელს არ აწერს - წარმოუდგენელი რამ ხდება, ასეთი რამ არც მახსენდება რომ მომხდარიყოს,- ამის შესახებ საქართველოს პარლამენტის საფინანსო-საბიუჯეტო კომიტეტის თავმჯდომარემ, პაატა კვიჟინაძემ განაცხადა.

კვიჟინაძის განმარტებით, პროგრამების შესრულების დრო იწურება.

„უკვე მეორე კვირა გადის და პრაქტიკულად იწურება დრო, რომ ის პროგრამები შესრულდეს, რაზეც ეს თანხა იყო. აუცილებლად გადასახდელია თანხა, მაგალითად სტიქიები, გაჭირვებული ხალხი ელოდება, რომ მიიღოს თანხა და ამას ვერ ვაკეთებთ. 

ამ ბიუჯეტთან დაკავშირებით, რეალურად, ოპოზიციასაც კი არ ჰქონია რამე შენიშვნა ცენტრალურ საკითხებზე, მაჩვენებლებზე, ბიუჯეტის დეფიციტზე - ასევე მოსწონს სავალუტო ფონდს, მსოფლიო ბანკს და ა.შ. ორშაბათს გადის ორი კვირა, რა დროსაც უნდა მოაწეროს ხელი [ზურაბიშვილმა]. თუ არ მოაწერს ხელს, მაშინ ხუთი დღის ვადაში მოაწერს პარლამენტის თავმჯდომარე, მაგრამ აქ საუბარი იმაზეა, რომ დრო გადის",- განაცხადა კვიჟინაძემ „ქრონიკასთან“ საუბრისას.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი