2023-10-10 12:09:50, 713 ნახვა
მსოფლიო
გაერო - ღაზას სექტორში იძულებით გადაადგილებულ პირთა რაოდენობა 180 000-ს აღწევს
"ჰამასის" ისრაელზე თავდასხმისა და ისრაელის საპასუხო იერიშების შემდეგ, ღაზას სექტორში იძულებით გადაადგილებულ პირთა რაოდენობა 180 000-ს აღწევს. აღნიშნულ მონაცემებს გაეროს ჰუმანიტარული დახმარების სამსახური აქვეყნებს.
გაეროს ცნობით, დაახლოებით, 137 500 ადამიანი სკოლებში მოწყობილ თავშესაფრებში იმყოფება.
"გასული 24 საათის განმავლობაში ღაზის სექტორში იძულებით გადაადგილებულ პირთა რაოდენობა გაიზარდა და 180 000 ადამიანს მიაღწია. მოსალოდნელია ამ რიცხვის ზრდა",- აცხადებენ გაეროს ჰუმანიტარული დახმარების სამსახურში.
ამ დროისთვის არსებული მონაცემებით, ისრაელის საპასუხო შეტევას ღაზას სექტორში 560 ადამიანის სიცოცხლე ემსხვერპლა.
ავტორი: ექსპრესნიუსი,
epn.ge (@expressnews.ge)
