სუს-ს რომ ეთქვა, ბომბი მანქანაში უნდა ჩადონო, მაშინ მანქანებს ავკრძალავდით? - თუ ტერორისტს ვერ იჭერთ და კარვებს კრძალავთ, ვისი პრობლემაა - სუს-ის, თქვენი, თუ საზოგადოების?- ასე მიმართა „გირჩის“ დეპუტატმა, სანდრო რაქვიაშვილმა "ქართულ ოცნების" წარმომადგენლებს პარლამენტის პლენარულ სხდომაზე, სადაც „შეკრებისა და მანიფესტაციების შესახებ“ კანონში დაგეგმილი ცვლილებების პირველი მოსმენით განხილვა მიმდინარეობს.

რაქციაშვილის თქმით, აღნიშნულ "კომიკურ სიტუაციას გაუგებრობა უნდა დაერქვას - სახელმწიფო უსაფრთხოების სამსახურის ხელმძღვანელობა გადააყენონ და ისეთი ხალხი აირჩიონ, ვინც მართლა საქმეს მიხედავს“.

"სუს-მა თქვა, რომ რევოლუცია ხდებაო და თან, კარვებში ბომბს ჩადებენ და კარავს ააფეთქებენო. იმის ნაცვლად, რომ ამ განცხადების გამო, სუს-ი დაიცინოს, უმრავლესობაში გაჩნდეს ეჭვი, რომ თქვენ. ხალხო. მართლა რას აკეთებთ, წადით საქმეს მიხედეთ, ჯაშუშები დაიჭირეთ და რაღაც კანონს ვცვლით, დაჩქარებული წესით კარვებს ვკრძალავთ. სუს-ს რომ ეთქვა, ბომბი მანქანაში უნდა ჩადონო, მაშინ მანქანებს ავკრძალავდით? ეს ხომ იმდენად კომიკური სიტუაციაა, რომ ტრაგიკული რომ არ იყოს, მაშინ შეიძლება, მართლა გაგვეცინა.

ახლა გამოხატვის თავისუფლება უნდა შეზღუდოთ. ეს კარვები ხომ სისულელეა, ზოგადად? მე მგონი, ყველას უშლიდა ეს კარვები ხელს, მაგრამ სუფთა სამართლიანობის თვალსაზრისით, ვისი რა საქმეა, დავდგამ კარავს თუ არა? მით უმეტეს თუ სუს-ი ამბობს, რომ ტერორისტული აქტი მზადდება, დაიჭირეთ ის ტერორისტი. თუ ტერორისტს ვერ იჭერთ და კარვებს კრძალავთ, ეს ვისი პრობლემაა - სუს-ის, თქვენი თუ საზოგადოების? მოდი, საზოგადოების პრობლემა არ შევქმნათ. ეს კომიკური სიტუაცია უბრალოდ კომიკურ სიტუაციად დავტოვოთ, გაუგებრობა დავარქვათ, სუს-ის ხელმძღვანელობა გადავაყენოთ და ისეთი ხალხი ავირჩიოთ, ვინც მართლა საქმეს მიხედავს და ამ რაღაცებით არ ვიქნებით დაკავებული",- განაცხადა რაქვიაშვილმა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება