აშშ-ის სახელმწიფო მდივანი ენტონი ბლინკენი, შესაძლოა, სომხეთსა და აზერბაიჯანს შორის მოლაპარაკებებში ჩაერთოს. აღნიშნულის შესახებ Reuters-ი აშშ-ის სახელმწიფო დეპარტამენტის ერთ-ერთ მაღალჩინოსანზე დაყრდნობით წერს.

მაღალჩინოსნის თქმით, არაღიარებული მთიანი ყარაბაღის ბოლო მოვლენები "განსაკუთრებით საშინელი და საშიშია, ამიტომ, აშშ-ის სახელმწიფო დეპარტამენტი შეინარჩუნებს კონტაქტს ყველა მხარესთან".

Reuters-ის ცნობით, ბლინკენი მოლაპარაკებებში უახლოეს 24 საათში ჩაერთვება.

შეგახსენებთ, გუშინ, 19 სექტემბერს აზერბაიჯანის თავდაცვის სამინისტრომ გაავრცელა განცხადება, რომლის მიხედვითაც, აზერბაიჯანმა ყარაბაღში ლოკალური ხასიათის ანტიტერორისტული ღონისძიებები დაიწყო.

ამასთან, როგორც სომხეთის თავდაცვის სამინისტროში აცხადებენ, სომხეთის რესპუბლიკას მთიან ყარაბაღში არმია არ ჰყავს განთავსებული.

არაღიარებული მთიანი ყარაბაღის ე.წ. ომბუდსმენის, გეგამ სტეპანიანის განცხადებით, აზერბაიჯანის სამხედრო მოქმედებების შედეგად დაღუპულია, სულ მცირე, 2 ადამიანი, რომელთა შორის ერთი ბავშვია. 

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს