2023-09-15 09:56:33, 904 ნახვა
მსოფლიო
NBC - მომავალ კვირას ზელენსკი ბაიდენს აშშ-ში შეხვდება
უკრაინის პრეზიდენტი ვოლოდიმირ ზელენსკი მომავალ კვირას აშშ-ის პრეზიდენტს, ჯო ბაიდენს შეხვდება. აღნიშნულის შესახებ ინფორმაციას ამერიკული ტელეარხი NBC უკრაინელ მაღალჩინოსანზე დაყრდნობით ავრცელებს.
NBC-ის ცნობით, ნიუ-იორკში ყოფნისას ვოლოდიმირ ზელენსკი ასევე გაეროს გენერალურ ასამბლეაში ვიზიტს აპირებს.
მედიის ცნობითვე, ჯერჯერობით უცნობია, სად გაიმართება ბაიდენისა და ზელენსკის შეხვედრა, ნიუ-იორკში თუ თეთრ სახლში, ვინაიდან, თეთრმა სახლმა კომენტარის გაკეთებაზე უარი თქვა.
შეგახსენებთ, რომ ბოლოს აშშ-ის პრეზიდენტი ჯო ბაიდენი და უკრაინის პრეზიდენტი ვოლოდიმირ ზელენსკი ერთმანეთს ივლისში, ვილნიუსში გამართულ ნატოს სამიტზე შეხვდნენ.
ავტორი: ექსპრესნიუსი,
epn.ge (@expressnews.ge)
