2023-09-11 10:04:21, 836 ნახვა
მსოფლიო
გერმანიის საგარეო საქმეთა მინისტრი კიევში ჩავიდა
გერმანიის საგარეო საქმეთა მინისტრი ანალენა ბერბოკი მოულოდნელი ვიზიტით კიევში ჩავიდა. აღნიშნულის შესახებ ინფორმაციას Deutsche Welle ავრცელებს.
ბერბოკის თქმით, კიევს შეუძლია, გერმანიის დახმარების იმედი ჰქონდეს.
"უკრაინა იცავს ყველა ჩვენგანის თავისუფლებას დიდი გამბედაობით და მონდომებით",- განაცხადა ბერბოკმა.
ამასთან, უკრაინული მედიის ცნობით, ბერბოკმა ხაზი გაუსვა, რომ უკრაინის ხელისუფლებამ უნდა გააძლიეროს ძალისხმევა ქვეყანაში ფართომასშტაბიანი ეკონომიკური და პოლიტიკური რეფორმების გასატარებლად.
ცნობისთვის, 2022 წლის 24 თებერვლის შემდეგ ეს გერმანიის საგარეო საქმეთა მინისტრის მეოთხე ვიზიტია კიევში.
ავტორი: ექსპრესნიუსი,
epn.ge (@expressnews.ge)
