2023-08-24 12:53:26, 1123 ნახვა
ომი უკრაინაში
უკრაინაში კიდევ ერთი ქართველი მებრძოლი, ნიკა ახვლედიანი დაიღუპა
უკრაინაში კიდევ ერთი ქართველი მებრძოლი, ნიკა ახვლედიანი დაიღუპა. აღნიშნულის შესახებ ინფორმაციას საქართველოში უკრაინის საელჩო ავრცელებს.
ნიკა ახვლედიანი მტრის შეტევას ბახმუტთან ემსხვერპლა. ის უკრაინულ დანაყოფთან ერთად ერთ-ერთი სოფლის მისადგომებს იცავდა, როცა ოკუპანტების მიერ ნასროლი ჭურვი დაეცა.
"ნიკოლოზ ახვლედიანი დაიღუპა უკრაინის ტერიტორიული მთლიანობის, დამოუკიდებლობისა და სუვერენიტეტის დაცვისას. მარადიული ხსოვნა!",- წერს საელჩო.
ცნობისთვის, ნიკა ახვლედიანი 49-ე ქართველი მებრძოლია, რომელიც უკრაინაში რუსეთის ომს შეეწირა.
ავტორი: ექსპრესნიუსი,
epn.ge (@expressnews.ge)
