2023-08-23 16:05:02, 946 ნახვა

---

Reuters - რუსეთის მიერ დრონებით იერიშის შედეგად საპორტო ქალაქ იზმაილში 13 000 ტონა მარცვლეული განადგურდა

რუსი ოკუპანტების მიერ დრონებით განხორციელებული თავდასხმის შედეგად დუნაის სანაპიროზე მდებარე საპორტო ქალაქ იზმაილში 13 000 ტონა მარცვლეული განადგურდა. აღნიშნულის შესახებ ინფორმაციას Reuters-ი ავრცელებს.

უკრაინის ვიცე პრემიერის, ალექსანდრ კუბრაკოვის თქმით, რუსეთის თავდასხმის შედეგად პორტის საექსპორტო პოტენციალი 15%-ით შემცირდა.

„რუსეთი სისტემატურად ურტყამს ხორბლისა და სხვა მარცვლეულის საცავებს, რათა უკრაინული სასოფლო-სამეურნეო პროდუქციის ექსპორტი შეაჩეროს“,- წერს კუბრაკოვი Telegram-ზე.

უკრაინის ხელისუფლების განცხადებით, თავდასხმა გუშინ ღამით მოხდა და სამი საათის განმავლობაში გრძლდებოდა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი