უნგრეთი კატარისგან გათხევადებულ ბუნებრივ აირს 2027 წლიდან მიიღებს, - ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.

მისივე თქმით, ორ ქვეყანას შორის პოლიტიკური შეთანხმება უკვე მიღწეულია, რასაც მოჰყვება მოლაპარაკება, რათა განისაზღვროს რაოდენობა და გადაზიდვის მარშუტი.

"მივაღწიეთ პოლიტიკურ შეთანხმებას, რომელსაც მოჰყვება მოლაპარაკება კატარულ და უნგრულ ენერგოკომპანიებს Qatargas-ს და MVM-ს შორის იმისთვის, რომ განისაზღვროს რაოდენობა და გადაზიდვის მარშრუტი", - განაცხადა სიიარტომ.

შეგახსენებთ, რომ გათხევადებულ ბუნებრივ აირზე მოთხოვნა მნიშვნელოვნად რუსეთ-უკრაინის ომის დაწყების შემდეგ გაიზარდა. კატარი კი გათხევადებული ბუნებრივი აირის ყველაზე დიდი ექსპორტიორია მსოფლიოში.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"