ოპოზიცია შეეცდება, საგამოძიებო კომისიის საშუალებით კიდევ ერთხანს იტივტივოს პოლიტიკურ დღის წესრიგში, შესაბამისად, ამის საშუალებას, ალბათ, საქართველოს პარლამენტი მათ არ მისცემს, - ამის შესახებ უმრავლესობის წევრმა, ბექა ოდიშარიამ ჟურნალისტებს განუცხადა.

მისი თქმით, იყო შემთხვევები, როდესაც ოპოზიცია ითხოვდა საგამოძიებო კომისიას და მერე თვითონ ავიწყდებოდათ, რომ მოითხოვეს. 

"ოპოზიციამ მოახერხა ამ ინსტრუმენტის თავის პლატფორმად ქცევა, რომელიც ვერ მიჰყავს ბოლომდე. იყო შემთხვევები, როდესაც ისინი ითხოვდნენ საგამოძიებო კომისიას და მერე თვითონ ავიწყდებოდათ, რომ მოითხოვეს, თითო ოროლა შემთხვევის გარდა. მიმაჩნია, რომ აბსოლუტურად ზედმეტია რადგან არ ვფიქრობ, რომ ქართული ხელისუფლების წარმომადგენლები, მათ შორის  სპეციალური სამსახურის, ვგულისხმობ სამაშველო სამსახურს, თავდაცვის სამინისტროს, შინაგან საქმეთა სამინისტროს თუ სხვებს, არ სცემდნენ ზედმიწევნით ამომწურავ პასუხებს საზოგადოებას, მათ შორის ჟურნალისტებს, ოპოზიციას. შესაბამისად, ეს იქნება ხელოვნური პროლონგაცია და მათი ცდა, საგამოძიებო კომისიის საშუალებით კიდევ ერთხანს იტივტივონ პოლიტიკურ დღის წესრიგში, შესაბამისად, ამის საშუალებას, ალბათ, საქართველოს პარლამენტი მათ არ მისცემს",- განაცხადა ოდიშარიამ.

როგორც მან აღნიშნა, გამოძიება დაწყებული აქვს შინაგან საქმეთა სამინისტროს და "უნდა დავაკვირდეთ პროცესს". 

„ჩვენთან არის შინაგან საქმეთა სამინისტროს მიერ აღძრული საქმე. ეს არის ის დადგენილი წესი, რომლითაც წამოიწყო ძიება, პროცესს დავაკვირდეთ. მე არ ვარ სისხლის სამართლის ექსპერტი და სპეციალისტი, ძალიან გამიჭირდება, არ მინდა გავაკეთო პროცესის პროფანაცია და არაპროფესიონალური პასუხი გაგცეთ. არის ინტერპელაცია, მობრძანდება შინაგან საქმეთა მინისტრი, აგერ იქნება პარლამენტი მთელი შემადგენლობით, მათ შორის იურისტები ოპოზიციაშიც მრავლად არიან და უმრავლესობაშიც, ვიმსჯელოთ ამ საკითხზე და ალბათ, მივიღებთ რაციონალურ გადაწყვეტილებას“,- განაცხადა ბექა ოდიშარიამ.

ავტორი: NS (სტატია დაფინანსებულია),

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის