რუსეთი იძულებული გახდა, გაეტარებინა აგრესორისთვის მშვიდობის იძულების ოპერაცია, - ასე ეხმაურება რუსეთის საგარეო საქმეთა სამინისტროს სპიკერი, მარია ზახაროვა 2008 წლის აგვისტოს ომის 15 წლისთავს.

მისივე თქმით, 2008 წლის 7-8 აგვისტოს ღამეს სააკაშვილის რეჟიმმა დაარღვია ყველა საერთაშორისო შეთანხმება მშვიდობიანი მოგვარების შესახებ და მოახდინა "მოღალატოებრივი თავდასხმა სამხრეთ ოსეთზე".

"დღეს ჩვენ ვიხსენებთ 15 წლის წინ სამხრეთ კავკასიაში მომხდარ ტრაგიკულ მოვლენებს. 2008 წლის 7-8 აგვისტოს ღამეს სააკაშვილის რეჟიმმა ცინიკურად დაარღვია ყველა საერთაშორისო შეთანხმება ქართულ-სამხრეთ ოსეთის კონფლიქტის მშვიდობიანი მოგვარების შესახებ, მოახდინა მოღალატოებრივი თავდასხმა სამხრეთ ოსეთზე. პარალელურად თავდასხმა განხორციელდა რუსი სამშვიდობოების განლაგების ადგილებზე. ამ დანაშაულებრივმა ავანტიურამ გამოიწვია მსხვერპლი სამხრეთ ოსეთის მოსახლეობასა და რუსს სამხედროებს შორის. ქართული აგრესიის არაპროვოცირებული ხასიათი მოგვიანებით ოფიციალურად დადასტურდა, კერძოდ, ევროკავშირის ეგიდით შექმნილი კავკასიის კონფლიქტის მიზეზების გამომძიებელი საერთაშორისო კომისიის ანგარიშში, რომელსაც ჰაიდი ტალიავინი ხელმძღვანელობდა. იმ დღეების მოვლენები სასწრაფო გადაწყვეტილებებს მოითხოვდა. რუსეთი იძულებული გახდა, გაეტარებინა აგრესორისთვის მშვიდობის იძულების ოპერაცია. 26 აგვისტოს ჩვენმა ქვეყანამ აღიარა აფხაზეთისა და სამხრეთ ოსეთის დამოუკიდებლობა. უკანასკნელ წლებში ამ ქვეყნებმა მიაღწიეს მნიშვნელოვან პროგრესს დემოკრატიულ სახელმწიფოებად ჩამოყალიბებაში", - განაცხადა ზახაროვამ. 

ავტორი: ექსპრესნიუსი,

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს