კოსოვოსა და საქართველოს ოკუპირებულ ტერიტორიებს შორის პარალელის გავლებით ხელისუფლება რუსეთის ნარატივს იმეორებს,- ამის შესახებ ყოფილი პრემიერ-მინისტრი, პარტია "საქართველოსთვის" ხელმძღვანელი გიორგი გახარია სოციალურ ქსელში წერს.

გახარიას განცხადებით, ხელისუფლება ხალხის წინააღმდეგ ჰიბრიდულ ომს აწარმოებს.

"კოსოვოსა და საქართველოს რუსეთის მიერ ოკუპირებულ ტერიტორიებს შორის პარალელის გავლებით ხელისუფლება იმეორებს რუსეთის ნარატივს, რითაც კრემლმა 2008 წელს საქართველოს და 2014 წელს უკრაინის ოკუპაცია „დაასაბუთა“. ეს კიდევ ერთი დასტურია, რომ ხელისუფლება რუსული სახელმძღვანელოს მეთოდებით საკუთარი ხალხის წინააღმდეგ ჰიბრიდულ ომს აწარმოებს",- წერს გახარია.

შეგახსენებთ, გუშინ, 1-ელ აგვისტოს "ქართული ოცნების" თავმჯდომარემ, ირაკლი კობახიძემ სოჭიდან საკრუიზო ლაინერის შემოსავლასთან დაკავშირებულ საპროტესტო აქციაზე საუბრისას განაცხადა, რომ რუსი ტურისტებისთვის ოკუპაციაზე კითხვის დასმა პროვოკაციაა. კობახიძემ პარალელი კოსოვოსთან გაავლო და თქვა: "სერბეთში რომ ჩავიდნენ, მაგალითად, ფრანგი, გერმანელი და ამერიკელი ტურისტები და მათ რომ გაეკიდოს ჟურნალისტი და კითხვა დაუსვას კოსოვოსთან დაკავშირებით, ნახევარზე მეტი გეტყვით, რომ კოსოვო არის დამოუკიდებელი სახელმწიფო და არაა სერბეთის ნაწილი. ეს იმას კი არ ნიშნავს, რომ ეს გერმანელი, ფრანგი და ამერიკელი ტურისტები ცუდი ადამიანები არიან, რაც უთხრეს, იმას იმეორებენ".

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით