2023-07-06 10:13:24, 1105 ნახვა

---

პოლონეთის საგარეო საქმეთა მინისტრი - რუსეთის მიერ ზაპოროჟიეს ატომურ ელექტროსადგურზე თავდასხმის შემთხვევაში ადეკვატური რეაგირება გვექნება

რუსეთის მიერ ზაპოროჟიეს ატომურ ელექტროსადგურზე თავდასხმის შემთხვევაში პოლონეთს ადეკვატური რეაგირება ექნება,- ამის შესახებ პოლონეთის საგარეო საქმეთა მინისტრმა, ზბიგნევ რაუმ განაცხადა.

ზბიგნევ რაუს თქმით, ზაპოროჟიეს ატომურ ელექტროსადგურზე თავდასხმა ნატოს ტერიტორიის მნიშვნელოვან ნაწილს შეეხება.

„ეს იქნება სრულიად ახალი ვითარება. ამიტომ, ჩვენ ადეკვატურად ვუპასუხებთ. ამას შესაბამისი რეაგირება დასჭირდება და ნუ ელით, რომ ზუსტად გეტყვით, რა იქნება ეს პასუხი“,- განაცხადა პოლონეთის საგარეო საქმეთა მინისტრმა.

შეგახსენებთ, რომ გუშინ, 5 ივლისს უკრაინის პრეზიდენტმა, ვოლოდიმირ ზელენსკიმ თქვა, რომ რუსმა სამხედროებმა ზაპოროჟიეს ატომური ელექტროსადგურის სახურავზე ასაფეთქებლის მსგავსი ობიექტები განათავსეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი