ამერიკის შეერთებული შტატების პრეზიდენტს, ჯო ბაიდენს სურს, რომ ნატოს მომავალი გენერალური მდივანი ევროკომისიის მოქმედი პრეზიდენტი ურსულა ფონ დერ ლაიენი გახდეს. აღნიშნულ ინფორმაციას The Telegraph-ი წყაროებზე დაყრდნობით ავრცელებს.

როგორც გამოცემა წერს, ფონ დერ ლაიენის კანდიდატურა ბაიდენის ადმინისტრაციისთვის სასურველი გახდა მას შემდეგ, რაც მანამდე ჩრდილოატლანტიკური ალიანსის ხელმძღვანელის თანამდებობაზე დიდი ბრიტანეთის თავდაცვის მდივნის, ბენ უოლესის კანდიდატურა დაბლოკეს.

The Telegraph-ს წყარომ უთხრა, რომ ალიანსის ამჟამინდელი ლიდერის, იენს სტოლტენბერგის შემცვლელთან დაკავშირებით დისკუსიების დროს, ბაიდენი ცდილობდა, ფონ დერ ლაიენი ნატოს ხელმძღვანელობაზე დაეთანხმებინა.

ნატოს წყარომ ასევე განუცხადა გამოცემას, რომ  ბაიდენმა და ფონ დერ ლაიენმა ბოლო წლების განმავლობაში მჭიდრო ურთიერთობა დაამყარეს, რაც ხელს უწყობს ასევე მჭიდრო ტრანსატლანტიკურ კავშირებს ჩინეთთან, უკრაინასა და კლიმატთან დაკავშირებით.

გამოცემის ცნობით, ევროკომისიის პრეზიდენტმა ადრე განაცხადა, რომ პატივი იყო "პოტენციური მემკვიდრეების სიაში" მოხვედრა, თუმცა, მისმა სპიკერმა თქვა, რომ ის „არ არის მზად ამ საქმისთვის, არც ახლა და არც მომავალში".

რაც შეეხება ჩრდილოატლანტიკური ალიანსის მოქმედ ხელმძღვანელს, ნატოს მოკავშირეები შეთანხმდნენ, რომ იენს სტოლტენბერგი, რომელიც გენერალური მდივნის თანამდებობას 2014 წლიდან იკავებს, ალიანსს კიდევ ერთი წელი, 2024 წლის შემოდგომამდე უხელმძღვანელებს.

ავტორი: ექსპრესნიუსი,

სოციალური ქსელები

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ

ცენტრალური სარდლობა: აშშ-ის ძალებმა ჰორმუზის სრუტეში ირანის 10 სამხედრო ობიექტი დაბომბეს

ირანის რევოლუციის გუშაგთა კორპუსმა ქუვეითსა და ბაჰრეინში აშშ-ის სამხედრო ობიექტებზე იერიში მიიტანა