2023-07-04 15:17:28, 620 ნახვა

---

სანდუ - მოვუწოდებ საქართველოს ხელისუფლებას, დაუყოვნებლივ უზრუნველყოს მიხეილ სააკაშვილის უცხოეთში მკურნალობა

მოვუწოდებ საქართველოს ხელისუფლებას, სასწრაფოდ უზრუნველყოს სააკაშვილისთვის სასიცოცხლო მნიშვნელობის სამედიცინო მკურნალობა საზღვარგარეთ,- აღნიშნულის შესახებ მოლდოვის პრეზიდენტი მაია სანდუ Twitter-ზე წერს.

სანდუს თქმით, შეწუხებულია სასამართლოში მიხეილ სააკაშვილის შემაშფოთებელი კადრებით.

"ღრმად შეწუხებული ვარ სასამართლოში მიხეილ სააკაშვილის შემაშფოთებელი კადრებით, რამაც გამოავლინა ჯანმრთელობის მძიმე გაუარესება ციხეში ყოფნის პერიოდში. მოვუწოდებ საქართველოს ხელისუფლებას, პრიორიტეტი მიანიჭოს მის კარგად ყოფნას და სასწრაფოდ უზრუნველყონ სასიცოცხლო მნიშვნელობის სამედიცინო მკურნალობა საზღვარგარეთ",- წერს სანდუ.

შეგახსენებთ, რომ გუშინ, 3 ივლისს თბილისის საქალაქო სასამართლოში 7 ნოემბრის საქმეზე პროცესი გაიმართა.

სხდომას მესამე პრეზიდენტი მიხეილ სააკაშვილი კლინიკა "ვივამედიდან" დისტანციურ რეჟიმში ესწრებოდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი