2023-06-22 22:46:39, 784 ნახვა
პოლიტიკა
ჰელსინკის კომისია გვარამიას შეწყალებაზე - გმადლობთ, ქალბატონო პრეზიდენტო
ჰელსინკის კომისია "მთავარი არხის" გენერალური დირექტორის, ნიკა გვარამიას შეწყალების საკითხს გამოეხმაურა.
ჰელსინკის კომისიამ სალომე ზურაბიშვილს აღნიშნული გადაწყვეტილების გამო მადლობა გადაუხადა.
"დღეს პრეზიდენტმა ზურაბიშვილმა შეიწყალა ნიკა გვარამია, რომელიც საქართველოს მთავრობამ დევნა და უსამართლოდ დააპატიმრა. გმადლობთ, ქალბატონო პრეზიდენტო, გამბედაობისა და ლიდერობის კიდევ ერთი მაგალითისთვის", - წერს ჰელსინკის კომისია.
შეგახსენებთ, დღეს საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი, ნიკა გვარამია შეიწყალა.
ავტორი: ექსპრესნიუსი,
epn.ge (@expressnews.ge)
