2023-06-22 22:37:38, 777 ნახვა
პოლიტიკა
ლექსმანი გვარამიას შეწყალებაზე - პრეზიდენტმა უსამართლობა გამოასწორა
ევროპარლამენტარი მირიამ ლექსმანი, "მთავარი არხის" გენერალური დირექტორის, ნიკა გვარამიას შეწყალების საკითხს გამოეხმაურა.
როგორც ლექსმანმა აღნიშნა, მიღებული გადაწყვეტილება მისასალმებელია და საქართველოს პრეზიდენტმა, სალომე ზურაბიშვილმა უსამართლობა გამოასწორა.
"ეს გულწრფელად მისასალმებელი სიახლეა. პრეზიდენტმა ზურაბიშვილმა სწორი გადაწყვეტილება მიიღო და ნიკა გვარამიასადმი, ვისი დაპატიმრებაც სამართლის დაცინვა იყო, უსამართლობა გამოასწორა", - წერს ლექსმანი.
შეგახსენებთ, დღეს საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი, ნიკა გვარამია შეიწყალა.
ავტორი: ექსპრესნიუსი,
epn.ge (@expressnews.ge)
