2023-06-22 17:26:41, 1382 ნახვა
ომი უკრაინაში
Reuters - გერმანიის კანცლერი უკრაინას უსაფრთხოების გარანტიებს ჰპირდება, მაგრამ არა ნატოში დაჩქარებულ გაწევრიანებას
გერმანიის კანცლერი ოლაფ შოლცი უკრაინას უსაფრთხოების გარანტიებს ჰპირდება, მაგრამ არა ნატოში დაჩქარებულ გაწევვრიანებას. Reuters-ის ცნობით, აღნიშნულ საკითხთან დაკავშირებით კანცლერმა ბუნდესტაგში სიტყვით გამოსვლისას ისაუბრა.
შოლცის თქმით, ახლა პრიორიტეტული საომარ მდგომარეობაში მყოფი ქვეყნის საბრძოლო შესაძლებლობების გაძლიერებაა.
"ჩვენ ფხიზელი თვალით უნდა შევხედოთ არსებულ ვითარებას. კიევის მთავრობამ თავად აღიარა, რომ ქვეყანა ვერ შეძლებდა ნატოში გაწევრიანებას, სანამ ომი გრძელდება. ამიტომ, ფოკუსირება მოვახდინოთ ვილნიუსში იმაზე, რაც ახლა აბსოლუტური პრიორიტეტია - უკრაინის რეალური საბრძოლო შესაძლებლობების გაძლიერება",- თქვა გერმანიის კანცლერმა.
ავტორი: ექსპრესნიუსი,
epn.ge (@expressnews.ge)
