საქართველოს ხელისუფლება იქცა დაბრკოლებად საქართველოსა და ევროკავშირის ერთმანეთთან დაახლოების პროცესში, - ამის შესახებ ევროპის სახალხო პარტიის (EPP) ვიცე-პრეზიდენტმა, ზიგფრიდ მურეშანმა განაცხადა.

როგორც მურეშანმა აღნიშნა, საქართველოსთვის კანდიდატის სტატუსის მინიჭება დამოკიდებულია საქართველოს ხელისუფლების მიერ იმ მოთხოვნების შესრულებაზე, რომელიც მათ ევროკავშირისგან მიეცათ.

"საქართველოს მიერ კანდიდატის სტატუსის მიღება დამოკიდებული იქნება პროგრესზე, რომელსაც საქართველოს ხელისუფლება მიაღწევს. თუმცა, ნება მომეცით მკაფიოდ განვაცხადო, რომ წელს საქართველოს ხელისუფლება იქცა დაბრკოლებად საქართველოსა და ევროკავშირის ერთმანეთთან დაახლოების პროცესში. ისეთი ინიციატივები, როგორიცაა „უცხოური გავლენის“ შესახებ კანონპროექტის შემოტანა, რომელიც საბედნიეროდ გაწვეულ იქნა, იწვევს ნდობის დაკარგვას ევროპული ინსტიტუტების თვალში და ერთხელ დაკარგული ნდობის აღდგენა საკმაოდ რთულია. ამიტომ, მე არ დავიწყებ სპეკულირებას იმის შესახებ, რამდენად შესაძლებელია წელს საქართველოს მიერ კანდიდატის სტატუსის მიღება, უბრალოდ ვიტყვი, რომ ეს დამოკიდებულია საქართველოს ხელისუფლების მიერ იმ მოთხოვნების შესრულებაზე, რომლებიც ჯერ კიდევ შესასრულებელია. საქართველოს ხელისუფლების წევრებმა კარგად იციან წესები, ახლა ყველაფერი დამოკიდებულია იმაზე, დაიცავენ ისინი ამ წესებს თუ დაარღვევენ", - განაცხადა მურეშანმა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”