საქართველოს პარლამენტის თავმჯდომარე შალვა პაპუაშვილი სოციალურ ქსელში შეზღუდული შესაძლებლობის მქონე პირთა უფლებების დაცვის დღეს ეხმიანება და წერს, რომ მეათე მოწვევის პარლამენტმა შშმ პირთა უფლებების გასამტკიცებლად არაერთი მნიშვნელოვანი გადაწყვეტილება მიიღო. 

როგორც პარლამენტის თავმჯდომარე აღნიშნავს, ყველას ვალია, მუდმივი სიფხიზლე გამოიჩინოს, რათა ქვეყანაში თანაბარი შესაძლებლობების უზრუნველყოფა იყოს შეუქცევადი პროცესი.

"14 ივნისი შეზღუდული შესაძლებლობის მქონე პირთა უფლებების დაცვის დღეა. მეათე მოწვევის პარლამენტმა შშმ პირთა უფლებების გასამტკიცებლად არაერთი მნიშვნელოვანი გადაწყვეტილება მიიღო. მათ შორის: გაეროს შშმ პირთა უფლებების კონვენციის ფაკულტატური ოქმის რატიფიცირება, სოციალური პაკეტის ინდექსაციის დაკანონება ყველა კატეგორიის და ასაკის შშმ პირებისთვის, საპარლამენტო ზედამხედველობის გაძლიერება, სოციალური რეაბილიტაციისა და ბავშვზე ზრუნვის სახელმწიფო პროგრამის ბიუჯეტის გაზრდა 37,4 მილიონი ლარიდან 66 მილიონ ლარამდე.  ქალთა ეკონომიკური გაძლიერების და საქართველოს გენდერული თანასწორობის სახელმწიფო კონცეფციების დამტკიცება. თუმცა, შშმ პირთა საკეთილდღეოდ  ნებისმიერი წინ გადადგმული ნაბიჯი, ამავდროულად გაზრდილ პასუხისმგებლობას ნიშნავს. ამიტომ ჩვენი ვალია, გამოვიჩინოთ მუდმივი სიფხიზლე, რათა თანაბარი შესაძლებლობების უზრუნველყოფა იყოს შეუქცევადი პროცესი ჩვენს ქვეყანაში.

ჩვენ კარგად უნდა გვესმოდეს, რომ გადაწყვეტილებების მიღების პროცესში შშმ პირთა მონაწილეობითა და მათი სრულფასოვანი ჩართულობით შეგვიძლია მხოლოდ შევქმნათ თანაბარი და ინკლუზიური გარემო, რომელშიც არა მხოლოდ შშმ პირების, არამედ თითოეული მოქალაქის უფლება მაღალი სტანდარტით იქნება დაცული", - წერს შალვა პაპუაშვილი.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”