კალიურანდი როგორ არის იცით, აი, მელამ თავის კუდი მოწმედ მოიყვანაო. თვითონ მიიღო რეზოლუცია და ახლა ამ რეზოლუციას შესრულებაზე აკეთებს აქცენტს,- ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

ვოლსკის თქმით, აღნიშნული რეზოლუციით არავითარ შემთხვევაში არაფერი არ ჩაითვლება, თუკი ის არ შესრულდება, რომელშიც "კეზერაშვილი მედიამენეჯერია და ბიძინა ივანიშვილი ოლიგარქი".

"კალიურანდიროგორ არის იცით, აი, მელამ თავის კუდი მოწმედ მოიყვანაო. თვითონ მიიღო რეზოლუცია და ეხლა ამ რეზოლუციას შესრულებაზე აკეთებს აქცენტს, რომ არავითარ შემთხვევაში არაფერი არ ჩაითვლება, თუკი ის რეზოლუცია არ შესრულდება, რომელშიც კეზერაშვილი მედიამენეჯერია და ბიძინა ივანიშვილი არის ოლიგარქი.

აი, ამ თემას თუ ჩვენ არ მივუდგებით ისე, როგორც კალიურანდი ხედავს და კუბილიუსი, აქედან გამომდინარე, ნუ გასაგებია, 300-ზე მეტი არიან იქ ადამიანები, ვისაც სჯერა, რომ გიორგი ვაშაძეს მოჭიდავეები ცემას უპირებენ.

როდესაც ესეთი ამბები მიდის ევროპარლამენტში, მე ამას მარტო კომენტარისთვის არ გეუბნებით, საერთოდ, როდესაც მიდის, ძალიან დიდი რაოდენობაა ადამიანების, რომლებიც ვერ ერკვევიან, არ იციან ზუსტად და ვერ წარმოუდგენიათ, რომ ამხელა მედიასაშუალება ან ამხელა პოლიტიკური ლიდერი, ტიტანი ადამიანი, იტყუება",- განაცხადა ვოლსკიმ.

შეგახსენებთ, რომ გუშინ, 12 ივნისს ევროპარლამენტარმა მარინა კალიურანდმა საქართველო-ევროკავშირის ასოციაციის კომიტეტის მე-12 შეხვედრასთან დაკავშირებით განცხადება გამოაქვეყნა და საქართველოს მთავრობის მიერ 12 რეკომენდაციის შესრულება შეაფასა.

როგორც კალიურანდის განცხადებაშია აღნიშნული, რეკომენდაციების შესრულებასთან დაკავშირებით ზოგიერთ შემთხვევაში პროგრესი ზედაპირულია.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”