უკრაინის უსაფრთხოების ძალებმა მოსკოვზე თავდასხმისთვის 8 უპილოტო საფრენი აპარატი გამოიყენეს,- აღნიშნულის შესახებ განცხადებას რუსეთის თავდაცვის სამინისტრო ავრცელებს.

მათი ცნობით, 3 დრონი რადიოელექტრონული ბრძოლის საშუალებებით მოიგერიეს, რის შედეგადაც მათ კონტროლი დაკარგეს, 5 დრონი კი Pantsir-S1-ის ტიპის საზენიტო-სარაკეტო სისტემის საშუალებით ჩამოაგდეს.

"დღეს დილით კიევის რეჟიმმა ქალაქ მოსკოვის ობიექტებზე უპილოტო საფრენი აპარატებით შეტევა განახორციელა. თავდასხმაში 8 უპილოტო საფრენი აპარატი იყო ჩართული. მტრის ყველა დრონი განადგურებულია. მათგან 3 რადიოელექტრონული ბრძოლის საშუალებებით მოვიგერიეთ, ხოლო 5 Pantsir-S1-ის ტიპის საზენიტო-სარაკეტო სისტემის საშუალებით ჩამოვაგდეთ",- აღნიშნულია განცხადებაში.

აღსანიშნავია ასევე, რომ რუსეთმა მომხდარს ტერორისტული აქტი უწოდა.

შეგახსენებთ, რომ გამთენიისას, მოსკოვში უპილოტო საფრენი აპარატები [დრონები] ორ საცხოვრებელ კორპუსს დაეჯახა.  

ავტორი: ექსპრესნიუსი,

სოციალური ქსელები

რუსთავში, ჩხუბის დროს, კაცი წაიქცა, თავზე დაზიანება მიიღო და დაიღუპა

ბაზისბანკის მობაილბანკით 24/7-ზე მომენტალური გადარიცხვები ანგარიშის ნომრით

შსს: მესტიაში დამატებით 42 ე.წ. მაინერი ამოვიღეთ (VIDEO)

Global Tech Weekend Tbilisi 2026 - ყველაზე მასშტაბური ტექნოლოგიური ღონისძიება ბრუნდება