2023-05-19 17:23:47, 911 ნახვა

---

ქედაში, შეხვედრა თემაზე ,,კიბერსივრცისა და კიბერუსაფრთხოების არსი, გამოწვევები და შესაძლებლობები“ გაიმართა

ქედის მუნიციპალიტეტის საკრებულოს სხდომათა დარბაზში, საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით შეხვედრა თემაზე ,,კიბერსივრცისა და კიბერუსაფრთხოების არსი, გამოწვევები და შესაძლებლობები" გაიმართა. ამის შესახებ ინფორმაციას ქედის მუნიციპალიტეტის მერია ავრცელებს.

შეხვედრას საინფორმაციო ცენტრის წარმომადგენელი აჭარის რეგიონში, ირმა გაბინაშვილი და მოწვეული სპიკერი, კიბერუსაფრთხოების ბიუროს ინფორმაციული უსაფრთხოების უფროსი მენეჯერი, აკაკი შეყელაძე უძღვებოდნენ.

საინფორმაციო სესიაზე ადგილობრივი თვითმმართველობის წარმომადგენლებმა კიბერჰიგიენის ძირითად მიდგომებსა და ონლაინ სივრცეში არსებული პრობლემების, ასევე საფრთხეების გამკლავების მეთოდებზე დეტალური ინფორმაცია მიიღეს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი