გერმანიის მიერ გაწეული დახმარება - ეს  სიცოცხლის დაცვაა,- ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

ზელენსკი  გერმანიის მთავრობას დახმარებისთვის მადლობას უხდის.

"მადლობა გერმანიის ფედერალურ კანცლერს, ოლაფ შოლცს და გერმანელ ხალხს თქვენი მხარდაჭერის წყალობით გადარჩენილი უკრაინული სიცოცხლეებისთვის. გერმანიის მიერ გაწეული დახმარება - ეს  სიცოცხლის დაცვაა. ჩვენი ხალხის სიცოცხლე ქალაქებსა და სოფლებში საიმედოდ არის დაცული, კერძოდ, თქვენს მიერ მოწოდებული საჰაერო თავდაცვის საშუალებებით. ჩვენი ჯარისკაცების სიცოცხლე ბრძოლის ველზე დაცულია თქვენს მიერ მოწოდებული ჯავშანტექნიკით",- წერს ზელენსკი Telegram-ზე.

შეგახსენებთ, უკრაინის პრეზიდენტი ვოლოდიმირ ზელენსკი დღეს, 14 მაისს ბერლინს ეწვია. ვიზიტის ფარგლებში ზელენსკიმ შეხვედრა ფედერალურ კანცელრ ოლაფ შოლცთან და  პრეზიდენტ ფრანკ-ვალტერ შტაინმაიერთან გამართა.

მანამდე უკრაინის მთავრობის მეთაური იტალიაში იმყოფებოდა, სადაც პრემიერ-მინისტრ ჯორჯია მელონისა და რომის პაპს შეხვდა.

ავტორი: ექსპრესნიუსი,

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა