გუშინ ყველამ დავინახეთ, რომ ნიკა მელიას აქვს „ნაციონალური მოძრაობის“ დაზიანების მიზანი, რადგან თავის თავს ვეღარ ხედავს ამ პარტიაში,- ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.

ბოტკოველის თქმით, ენმ-ის ყოფილი თავმჯდომარე მზად იყო, სხვა პარტია გაეკეთებინა, მაგრამ "როგორც ჩანს, სხვა პარტიასაც ვერ აკეთებს".

„ეს ყველაფერი შემიძლია მხოლოდ ღიმილით ვთქვა და ერთი რამე ვთქვა, რომ  წუხანდელი ეთერი ვერ ვიტყვი რომ იყო ეთერი, ეს იყო ჩვეულებრივი, ალბათ, გამოსამშვიდობებელი საღამო "ნაციონალურ მოძრაობასთან". როგორ უნდა მოინდომო ან რამ უნდა გაიძულოს ის, რომ ის პარტია, რომელ პარტიაშიც 8-9 წელია ხარ, იმ პარტიაზე იჭორაო, ის პარტია ლანძღო და ფაქტობრივად, შეურაცხყოფა მიაყენო იქ მყოფ  ყველა ადამიანს.

რაც შეეხება ადეიშვილის საკითხს, მე რომ რამე ვთქვა, ნიკა მელია უნდა იცავდეს ადეიშვილს ჩემგან იმიტომ, რომ სწორედ ზურა ადეიშვილი იყო როგორც მე ვიცი, რომელიც ნიკა მელიას კარიერულ წინსვლას უწყობდა ხელს და სამი მაღალი თანამდებობა გამოიცვალა ჩვენი ხელისუფლების პირობებში ზურა ადეიშვილის ხელშეწყობით...

ფაქტობრივად, ჩვენ მოვისმინეთ, რომ ის „ნაციონალური მოძრაობის“ წევრი აღარ არის და აღარ აქვს სურვილი იყოს „ნაციონალური მოძრაობის“ წევრი და არ ვიცი, ჩაკითხვებზეც ვისმენდით, რომ მზად იყო, სხვა პარტია გაეკეთებინა, მაგრამ როგორც ჩანს, სხვა პარტიასაც ვერ აკეთებს და იქ არ მიყვებიან ადამიანები და მაქსიმალურად ცდილობს, რომ ბოლომდე დააზიანოს „ნაციონალური მოძრაობა“, მაგრამ მინდა  მასაც და ნებისმიერ იმ ადამიანს, ვინც „ნაციონალური მოძრაობიდან“ მიდის და მერე ლანძღავს პარტიას, ყველა ამ ადამიანს ვუთხრა, რომ ეს არცერთ წასულს არ წასდგომია და მისი პოლიტიკური კარიერისთვის სიკეთე არ ყოფილა და არც აწი მოუტანს ვინმეს ეს სიკეთეს",- ამბობს ბოტკოველი.

ცნობისთვის, ენმ-ის ყოფილმა თავმჯდომარემ, ნიკა მელიან გუშინ, 11 მაისს „ტვ პირველის“ ეთერში  განაცხადა, რომ კეზერაშვილი, მერაბიშვილი და ადეიშვილი „ნაციონალური მოძრაობის“ მართვის ბერკეტებს სრულად ფლობენ.

ავტორი: ექსპრესნიუსი,

სოციალური ქსელები

გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული